Pomoz Bog

Selo malo, blizu Virja.
Dvesto hiž, sto krav, potok Hotova.
Negda ljudev bilo više,
Vatrogascev odnavek!

Bilo mirno dok jogenj ne vužgal,
Štel bi pred sebom vrušiti se,
Kak sotona brzo došel,
Crlenim žarom prekril krova.

Vrtlog jognjeni razbuktal se,
Žareće iskre zrakom lete.
Tuga za tugom med ljudme leži,
Vgasiti jognja, deliti dobro i zlo.

Sirena, vatrogasci brzo došli.
Martin kanto dal Srečku,
Jožina cevine razvlekel.
Čoveku pomoći da ne zgori.

Ostavili večero, rodbino, pajdaše,
„Vatru gasi, brata spasi!"
Eto takvi so... navek pomogli.
Z njimi se dičim – neso to tam nekakvi ljudi.

Pravi vatrogasec bo pomogel,
Nigdar štedel sebe.
Celo noč joka ne sklopi.
Napravil čudo, hižo spasil.
Puno druge hiž.

I denes so tu.
Pred spremištem cvetje posadili.
Nek se zna,
Za selo navek bodo tu,
Gorelo ili ne.

Fala vam, najte stati
Sveti Florijan nek vam pomogne!


Posvećeno M. Ivoreku, Novaku, Kikašu i sem drugem vatrogascem.

Opširnije...

Pod krovom od slame

Pod krovom od slame
Sobica, stol, klopica i posteljka
Žeravka, bečar, pajdaš i međaš
Baš sasim običen den

Morti život i neje bog zna kaj
Em je žalosten biti grej
Prek sakoga uspravno stati
Životu zeti kaj da

Z jeseni gda listje opane
Dok trajo noči doge, tak doge
Dajte nam vina, nek se potače
Gda se od srca nasmeješ
Kletjom popevke zvonijo

Međaš natoči vina, nemam druge želje
Osim komadića kruva, komadića neba
Šemovečke bregov i goric
Onda mi je škriljak pun sreće

Snočka sem senjal

Snočka sem senjal
Sakojega brega, steza ide nadol
Ja ti tak neznam to senje
Zakaj mi življenje tak da

Jedno ranje bom moral otiti
Po drumu koj ide med hiže i polja
Dežđ bo rosil, veter mumljal
Nosil zadnje listje z drevlja

Nebodo igrali mužikaši
Dok me skriva megla jesenska
Dok den se skriva za daljinami
Ja nebom zabil govoriti kaj

Nemoj se rasplakati i se pokvariti
Samo Bog razloge zna
Vužgi samo jedno svećo
Gda jenpot otidem

Otišli svojem potem

Otišli svojem potem
Nekaj nas odvleklo drugam.
Razišli se pajdaši, noći do ranja,
Del jedne sreće, zajedničke sečanj.

Sad smo zbunjeni vu svetu

Dok sonce zilazi, okolu tiho je se.
Kak vtopljeni v reke življenja,
Reke koja nas nosi
V nepoznato, nekojem drugem tokom.
Znali smo šteti jednako,
Piti vino do ranja i.....
Imali radi pri mladom mesecu.
Bili smo mlajši,
Srce je jakše lupalo.
Otišli smo eto svojem potem.
Nekaj nas odvleklo drugam.

Znali smo a sad neznamo

Veter puše

Veter puše
I sečanja nosi
Kak da včera moj deda
Je sedel tu zmenom

Njega se rado
Navek bom setil
Se dok god mi veter
Nebo puhal vjoči

Srčeko svoje bom rasprl
I bom ga prosil nek tu mi puše
Jer tu ga bom navek čuval
Kak maloga anđela pod vankušom

Znali smo skupa
Nogometa igrati
Makar ja sem samo bežal
Ništ nesem razmel

A on bogec pak neje mogel
Ni jenpot lopto vritnoti
Starost mu neje dala
Pak sem ga saki pot pobedil

Nigdar mu krivo neje bilo
Svojo štako navek je veselo držal
Makar mu je i veter znal to štako odnesti
Za svoje staro srce se navek mogel prijeti

I den denes
Taj isti veter i dalje puše
Jedino bi bogeka dragoga prosil
Naj samo da puše mi vjoči